Франциялик мутахассис Зинедин Зидан Мадриднинг «Реал» клуби бош мураббийлигидан кетишини маълум қилгани ҳақида бироз аввал хабар берилган эди. Зидан махсус пресс-конференция чоғида жамоани нима сабабдан тарк этаётганига аниқлик киритди.
Мен «Реал»да ишлашни тўхтатишга қарор қабул қилдим. Бу кутилмаган вақт, аммо жамоа яна ғалаба қозониши учун танаффус керак, клубга янги услуб ва янги методика лозим. Шунинг боисдан мазкур қарорга келдим. Мен клуб ва унинг президентига катта муҳаббат билан ёндашаман.45 ёшли Зидан «Қироллик клуби»ни 2015/16 йилги мавсумда қабул қилиб олган эди. Жамоа унинг қўл остида Испания чемпионати, мамлакат Суперкубоги, 2 марта Европа Суперкубоги, 2 марта Клублар ўртасидаги Жаҳон чемпионатида ғолиб чиқишга эришган эди.Зинедин Зидан
Зинедин ишлаган 2,5 йилда «Реал» умумий ҳисобда 9 та совринга эга чиқди. Бу Зидандан аввалги 6 мураббийнинг 8 йил ичида қўлга киритилган совринлари билан тенг.
Изоҳ (0)