«Реал» президенти Флорентино Перес жамоа бош мураббийи Зинедин Зиданнинг истеъфоси борасида фикр билдирди.
«Чемпионлар Лигасидаги ғалабадан сўнг бу кутилмаган қарор бўлди. Бугун мен, мухлислар, футболчилар учун ўта қайғули кун. Зидан мен уни ҳам ўйинчи ҳам мураббий сифатида жамоада кўришни хоҳлаганимни яхши билади. Мен унинг доим жамоада қолишини хоҳлагандим. Уни бунга ишонтиришга ҳаракат қилдим. Аммо бу унинг сўнгги қарори эканлигини тўғри тушунаман. Мен фақат унга бир нарсани эслатишни хоҳлардим: бу клуб — унинг уйи ва оиласи. Бу бизнинг хайрлашувимиз бўлиб қолишини истамайман, шунинг учун «кўришгунча» деб қоламан. Зиданнинг қайтишига шубҳам йўқ», — деди Флорентино Перес.
45 ёшли Зидан «Қироллик клуби»ни 2015/16 йилги мавсумда қабул қилиб олган эди. Жамоа унинг қўл остида Испания чемпионати, мамлакат Суперкубоги, 2 марта Европа Суперкубоги, 2 марта Клублар ўртасидаги Жаҳон чемпионатида ғолиб чиқишга эришган эди.
Зинедин ишлаган 2,5 йилда «Реал» умумий ҳисобда 9 та совринга эга чиқди. Бу Зидандан аввалги 6 мураббийнинг 8 йил ичида қўлга киритилган совринлари билан тенг.
Изоҳ (0)