Франциялик мутахассис Зинедин Зидан Мадриднинг «Реал» клуби бош мураббийлигидан кетишини маълум қилгани ҳақида бироз аввал хабар берилган эди. Зидан махсус пресс-конференция чоғида келажакдаги режалари ҳақида ҳам гапириб ўтди.
Президент айтганидек, биз хайрлашмаймиз. Мен «Реал» билан бутун умр ёнма-ён бўламан. Кўпчилик учун бу қарор аҳамият касб этмайди. Аммо қарор мен учун жуда долзарб эди. Танаффус қиладиган пайт келди. Ўйлашимча, бу ҳам ҳамма учун тўғри қарор. «Реал» барча мухлисларига уларнинг қўллаб-қувватлови ва муҳаббати учун катта раҳмат айтаман.Мавсум давомида ўз ўйинимизни кўрсатишимиз қийин бўлган вазиятлар бўлди, бироқ мухлисларнинг қўллаши бизни янада кучли қилди. Мен ўйинчиларга танаффус керак деб ўйлайман. Уларга охиригача майдонда курашгани учун миннатдорчилик билдираман. Энди эса клуб ечиниш хонасида янги овозни эшитиш вақти етди.
Агар мен жамоада қоладиган бўлсам, унинг ғалаба қозониши қийин бўларди. Жамоа энди менинг қароримни билади. Мен ҳар бир ўйинчи билан шахсан кетишим ҳақида гаплашмадим. Лекин уларнинг ҳаммаси энди бундан хабардор. Фақат жамоа сардори Серхио Рамос билан гаплашгандим. Биз у билан бирга кўп нарсани бошдан кечирдик, у қароримни ҳурмат қилади. У менга омад тилади. Серхио жамоа етакчиси ва сардори. Рамос билан 3 йил бирга ишлаганимдан мамнунман. Ҳозир бирорта жамоани бошқариш ҳақида умуман ўйламаяпман.
Зинедин Зидан, «Реал» собиқ бош мураббийи
Изоҳ (0)