Конго Демократик Республикасида Эбола вируси оқибатида юзага келган касаллик билан оғриган беморлар сони 14 кишини ташкил этмоқда. Бу ҳақда «Синьхуа» агентлигига таяниб, «ТАСС» хабар берди.
Маълумотларга кўра, касаллик мамлакат шимоли-ғарбидаги Экваториал провинцияси тарқалган.
Халқаро соғлиқни сақлаш ташкилотининг маълум қилишича, Конго Демоктарик Республикасида Эбола билан оғриган илк бемор шаҳар ҳудудида аниқланган, бу эса унинг тарқалиш эҳтимоллигини оширади.
Ўтган йили ҳам мазкур вирус тарқалиши оқибатида мамлакатда саккиз киши ҳалок бўлганди. Эбола—ҳозирги замоннинг энг хавфли касалликларидан ҳисобланади, у кучли қорин оғришини, иситма, кўнгил айниши ва қусиш, қон кетишини юзага келтиради. Касаллик билан оғриган беморларнинг 60—90 фоизи вафот этади.
Изоҳ (0)