2018 йил бошидан буён икки миллионга яқин хитойлик амалдор ҳар икки ойда мамлакатдаги мусулмонлар оиласида бироз муддат яшаб келмоқда. Амалдорлар оилани кузатиб, улар ҳақида ҳукуматга ҳисобот топширади. Бу ҳақда Human Right Watch нашрига таяниб, TJournal хабар берди.
Дастур 11 миллион мусулмон яшайдиган Шинжон-Уйғур автоном вилоятида амалда қўлланилмоқда. Becoming Family («Оилага айланиш») миллий озчиликларнинг Хитой маданиятига мослашишини таъминлашга қаратилган.
Мусулмон оиласида яшаш даврида амалдорлар уларни мандарин тилига, Хитой мадҳиясини тўғри айтишга ўргатади, шунингдек, уларнинг диний ва сиёсий қарашларини баҳолайди. HRW маълумотларига кўра, амалдорлар аҳолига «Си Цзиньпин ғоялари»ни сингдириши ва уларни «панисломизм»дан огоҳлантириши лозим.
HRW’нинг таъкидлашича, Хитой шимоли-ғарбидаги аҳолини кузатиш даражаси ақлбовар қилмас кўламда амалга оширилмоқда ва бу орқали ҳукумат инсонларнинг оила ва маданий қадриятлар каби бирламчи ҳуҳуқларини ҳам бузмоқда.
Изоҳ (0)