Аввал хабар берилганидек, жорий йилнинг 10—16 май кунлари Россия пойтахти Москва шаҳрида Меҳрибонлик уйлари ўртасида Жаҳон Чемпионати бўлиб ўтди.
Ушбу турнирда тарихда биринчи маротаба Ўзбекистон терма жамоаси ҳам иштирок этди. Финал баҳсида ўзбекистонлик футболчилар Покистонни пенальтилар сериясида 6:5 ҳисобида мағлуб этиб, Жаҳон чемпионлигини қўлга киритди.
ЎФА матбуот хизматининг қайд этишича, футболчилар 18 май куни Тошкентга қайтиб келади. Москва—Тошкент йўналиши бўйича парвоз қиладиган самолёт 17:00 да Тошкент халқаро аэропортига етиб келади. Уларни катта тантана билан кутиб олиш режалаштирилган.
«Championat.asia» нашри эса Жаҳон чемпионларининг Жаҳон кубогини Москва кўчалари бўйлаб олиб юрган суратлари билан бўлишди.
Изоҳ (0)