Avval xabar berilganidek, joriy yilning 10—16-may kunlari Rossiya poytaxti Moskva shahrida Mehribonlik uylari o‘rtasida Jahon Chempionati bo‘lib o‘tdi.
Ushbu turnirda tarixda birinchi marotaba O‘zbekiston terma jamoasi ham ishtirok etdi. Final bahsida o‘zbekistonlik futbolchilar Pokistonni penaltilar seriyasida 6:5 hisobida mag‘lub etib, Jahon chempionligini qo‘lga kiritdi.
O‘FA matbuot xizmatining qayd etishicha, futbolchilar 18-may kuni Toshkentga qaytib keladi. Moskva—Toshkent yo‘nalishi bo‘yicha parvoz qiladigan samolyot 17:00 da Toshkent xalqaro aeroportiga yetib keladi. Ularni katta tantana bilan kutib olish rejalashtirilgan.
“Championat.asia” nashri esa Jahon chempionlarining Jahon kubogini Moskva ko‘chalari bo‘ylab olib yurgan suratlari bilan bo‘lishdi.
Izoh (0)