Ўзбекистонда автомобилларни қисқа муддатга ижарага олиш тартибини соддалаштириш режалаштирилмоқда, деб ёзади Spot. Бу Президентнинг «Ички туризмни жадал ривожлантиришни таъминлаш чора-тадбирлари тўғрисида»ги қарорида кўзда тутилган. Тегишли қонун лойиҳаси ишлаб чиқилиб, Олий Мажлис Қонунчилик палатаси депутатлари томонидан биринчи ўқишда кўриб чиқилди.
Лойиҳа жисмоний шахслар томонидан автомобилни ижарага олиш шартномасини расмийлаштиришни соддалаштиришни таклиф қилади. Агар таклиф этилаётган ўзгаришлар маъқулланса, Ўзбекистон фуқаролари ва сайёҳлар нотариал тасдиқсиз ва ички ишлар органларида рўйхатдан ўтмасдан туриб, автомобилни 30 кунгача ижарага олиши мумкин бўлади.
Депутатлар ушбу турдаги хизматни кўрсатувчи компаниялар сони ўсиши зарурлигини таъкидлади.
Изоҳ (0)