Фарғона вилоятида хонадонда бир ўзи қулфланиб қолган қарияга ёрдам кўрсатилди, дея хабар бермоқда Фавқулодда вазиятлар вазирлиги.
Жорий йилнинг 9 май куни соат 8:35 ларда Фарғона вилояти Фавқулодда вазиятлар бошқармаси навбатчилик қисмига Хамидулин.А., қўнғироқ қилиб, уй эшиги ёпилиб, уйига кира олмаётганлиги ҳамда ичкарида қолган бобоси соғлиғидан хавотир олаётганлигини билдириб ёрдам сўраган.
Олинган хабар асосида қутқарув отряди кўрсатилган манзилга зудлик билан етиб бориб, махсус қутқарув асбоб-анжомлари ёрдамида хонадон ичкарисига кириб, фуқаро Ф. Исломовни полда йиқилиб ётган ҳолда топди. Қутқарувчилар набиранинг бежиз хавотир олмаганлигига гувоҳ бўлди, жабрланувчи Ф. Исломовга қутқарувчилар томонидан биринчи тиббий ёрдам кўрсатилди ва кейинчалик даволаниш учун туман тиббий ёрдам марказига юборилди, дейилади хабарда.
Изоҳ (0)