Қиролича Елизаветанинг Угандадаги миллий боғида қоплон полиция ходимининг уч ёшли ўғлини ўғирлаб кетди ва еб қўйди. Бу ҳақда The Independent хабар берди.
Ҳодиса 4 май куни кечқурун юз берган. Болакай Эдвард кўли бўйидаги овчилар уйчасида уй хизматчисининг назоратида бўлган.
Табиатни муҳофаза қилиш давлат ташкилоти вакилининг сўзларига кўра, аёл бола унинг изидан ташқарига чиққанини сезмаган. Хизматчи боланинг чинқириғини эшитиб, ёрдамга югурган, бироқ кеч қолган. Қоплон болани олиб, чангалзорга яширинган.
Қидирувлар натижасида йўқолган боланинг бош суяги топилган. Суяк дафн этиш учун боланинг отасига берилган. Болага ҳужум қилган қоплонни ушлаш ва тутқунликда сақлаш режалаштирилмоқда. Бунга ҳайвоннинг одам гўштини еб кўргани ва бу истаги яна уйғониши мумкинлиги асос қилиб кўрсатилмоқда.
Изоҳ (0)