Хитой раиси Си Цзиньпин Шимолий Корея етакчиси Ким Чен Ин билан учрашди. Бу ҳақда «Корреспондент.net» хабар берди.
Таъкидланишича, музокаралар 7—8 май кунлари Хитойнинг Далянь шаҳрида бўлиб ўтган.
Олдинроқ Ким Чен Ин Далянга келган бўлиши мумкинлиги хабар қилинган эди.
Маълумотларга кўра, икки мамлакат раҳбарининг учрашуви дўстона руҳда бўлиб ўтган, улар музокаралар ўтказган, сайр қилган ва тушлик қилган. Музокаралар чоғида Хитой ва КХДР муносабатлари юзасидан фикр алмашилган.
Учрашувда Ким Чен Ин томонидан таъкидланишича, манфаатдор томонлар КХДРга нисбатан душманлик сиёсати ва таҳдидлардан воз кечса, Пхеньянда ядро қуроли учун эҳтиёж қолмайди. Шунингдек, республика Корея ярим оролини ядросизлантириш бўйича ўзининг аниқ позициясида қолади.
Изоҳ (0)