Арманистонда парламентдаги овоз бериш якунлари бўйича мамлакатни қамраб олган намойишлар етакчиси Никол Пашинян ҳукумат раҳбари этиб тайинланди. Бу ҳақда «РБК» хабар бермоқда.
Унинг номзодини 58 депутат қўллаб-қувватлади, 42 киши қарши чиқди, яна бир депутат овоз беришдан тийилди.
Энди Пашинян ўз маҳкамасини шакллантириши, сўнг парламентга ҳаракатлар дастурини тақдим этиши лозим. Икки жараён ҳам парламентда овоз берилишини талаб қилади.
Пашинянинг матбуот котиби Тигран Авинянга кўра, мухолифат етакчиси бош вазир лавозимини узоқ ушлаб туриш ниятида эмас ва «уч-тўрт ойдан сўнг вазифасини зиммасидан соқит қилади».
«Биз парламентга ҳалол сайловларни ташкиллаш учун муваққат ҳукуматни шакллантирамиз. Доимий ҳукумат режаларимизга кирмайди», — таъкидлади Авинян.
Изоҳ (0)