КХДР етакчиси Ким Чен Иннинг бир неча марта дунё оммаси олдида кўриниши унинг сафарлар вақтидаги ностандарт одатларини намоён қилди. Бу ҳақда The Independent ёзмоқда.
Хусусан, нашр Ким Чен Иннинг «одам кортежи»га эътибор қаратган. Шимолий Корея етакчиси 27 апрелда Жанубий Корея президенти Мун Чжэ Ин билан учрашиш учун келганида унинг автомобили 12 нафар қўриқчидан иборат гуруҳ ўраб олган ва машина изидан югуриб борган эди.
Бундан ташқари, Ким Чен Ин шахсий самолётда эмас, балки фақат секин юрадиган ва ўқ ўтказмайдиган поездда ҳаракатланишни маъқул кўради. Бунда давлат раҳбари учун учта поезд керак бўлади: бири хавфсизлик учун, бири қўриқчилар учун ва яна бири унинг ўзи учун.
Ким Чен Иннинг КХДР етакчиси сифатида Шимолий Кореядан ташқаридаги биринчи сафари март ойида Хитойга уюштирилган эди. Сафар шу даражада сир сақланган эдики, бу ҳақда фақат у якунига етканидан кейин маълум бўлган.
КХДР раҳбари ҳеч қачон умумий ҳожатхонадан фойдаланмайди. Унинг шахсий ҳожатхонаси ўзи билан бирга саёҳат қилади. Унинг шахсий ҳожатхонаси 2015 йилда қурилган бўлиб, ҳожатхоналари нафақат шахсий поездида, балки тоғли ҳудудларда ҳаракатланиш учун мўлжалланган махсус автомобилларида ҳам ўрнатилган.
Жанубий Корея президенти билан учрашувига Ким Чен Ин ўзининг шахсий ошпазини лапша пиширадиган махсус машинаси билан бирга олиб келган. Ошпаз бунда гречкадан тайёрланган лапшадан таом пишириб бериши керак бўлган.
Изоҳ (0)