Япония бош вазирининг Исроилга ташрифи чоғида уни металл оёқ кийим ичига солинган ширинлик билан меҳмон қилишди, деб ёзади The Jerusalem Post. Шоколадли десертни Исроил ҳукумати раҳбари Биньямин Нетаньяхунинг шахсий ошпази Моше Сегев тайёрлаган.
«Бу аҳмоқона ва бепарво танлов. Япон маданиятида оёқ кийимидан ҳам жирканчроқ нарса йўқ. Улар нафақат уйда, балки ишхонада ҳам пойабзалини ечиб юради. Ҳатто бош вазир, вазирлар, парламент аъзолари ҳам бинолар ичида оёқ кийим киймайди… Бу яҳудий меҳмонларга чўчқа шаклидаги идишда шоколадли конфетлар тортишдай гап», — деди исроиллик олий мансабли дипломатлардан бири.
Унинг фикрига Япония дипломатик миссияси вакили қўшилди. «Дунёнинг ҳеч қайси маданиятида оёқ кийими дастурхонга қўйилмайди. Сегев нимага асослангани тушунарсиз. Агар бу ҳазил бўлса, биз уни кулгили деб ҳисобламаймиз. Биз ҳақоратлангандек бўлдик», — деди у.
Изоҳ (0)