Россия президенти Владимир Путин биринчи марта инаугурация чоғида минган янги маҳаллий лимузин рақами бунгача Daewoo Sens ва ГАЗ 3110 автомобилларида турган. Бу ҳақда давлат рақамлари базасидаги маълумотлар гувоҳлик бермоқда.
Дастлабки маълумотларга кўра, В776УС77 рақами 1998 йилнинг апрелида 47 ёшли москвалик — ГАЗ 3110 автомобили эгаси номига расмийлаштирилган. Машина фотосуратларига кўра, қайсидир вақтга келиб, у ёмон ҳолатга келиб қолган — у ташлаб юборилган ва чиқинди деб ҳисобланган бўлиши мумкин.
Кейинроқ рақам белгиси Зеленоград фуқаросига тегишли бўлган Daewoo Sens седанига берилган. Ушбу автомобиль русуми Россияда Lanos сифатида машҳур, Sens номи остида эса Украинада ишлаб чиқарилган.
Ҳуқуқ-тартибот органлари хабарига кўра, 2016 йилнинг 31 мартида В776УС77 ягона маълумотлар базасига қайтарилган. Уни исталган автомобилчи олиши мумкин эди.
Эслатиб ўтамиз, Владимир Путин 7 май куни бўлиб ўтган инаугурация маросими давомида илк бор «Кортеж» лойиҳаси доирасида яратилган янги маҳаллий лимузиндан фойдаланди.
Изоҳ (0)