Россиянинг Ка-52 вертолёти Суриянинг шарқий туманлари осмонида режали парвозни амалга ошириш чоғида ҳалокатга учради, деб ёзади «РИА Новости».
Иккала учувчи ҳам ҳалок бўлди, уларнинг жасадлари аэродромга етказилди.
«Дастлабки маълумотга кўра, ҳодисага техник носозлик сабаб бўлган бўлиши мумкин», — дейилади Россия мудофаа вазирлиги баёнотида.
Нашр эслатишича, бу ой бошидан буён россиялик ҳарбийларнинг Суриядаги ҳалокати билан боғлиқ иккинчи ҳолатдир. 3 май куни Россиянинг Су-30СМ қирувчиси Хмеймим аэродромидан учиб чиққанидан кейин қулаб тушган эди, иккала учувчи ҳам воқеа жойида ҳалок бўлган.
Изоҳ (0)