Кеча, 29 апрель санасида футбол бўйича Ўзбекистон чемпионатининг 9-тур баҳслари бошланди.
Турнинг дастлабки ўйини Бекободда бўлиб ўтди. Унда мезбон «Металлург» «Бухоро»га қарши майдонга тушиб, 2:1 ҳисобидаги ғалабани тантана қилди.
Иккинчи ўйин водийда «Навбаҳор» ҳамда «Нефтчи» ўртасида кечди. Беллашув томонларнинг 1:1 ҳисобидаги дуранги билан якунланди.
Турнинг марказий ўйини «Локомотив» ва «Пахтакор» жамоалари ўртасида бўлиб ўтди. Учрашувда ҳисоб очилмади.
Бугун 9-тур доирасида яна 3 та учрашув бўлиб ўтади.
Жумладан, Навоийда «Қизилқум» Олмалиқнинг АГМК жамоасини қабул қилади. Беллашув 18:00 да бошланиши белгиланган.
Қўқонда «Қўқон-1912» жамоаси Миржалол Қосимов бошчилигидаги «Бунёдкор»га қарши баҳс олиб боради. Бу ўйин ҳам 18:00 да бошланади.
Турнинг сўнгги ўйини Қаршида «Насаф» ҳамда Жиззахнинг «Сўғдиёна» жамоалари ўртасида кечади. Учрашув 20:00 да бошланиши режалаштирилган.
Pepsi Суперлига
9-тур беллашувлари
29 апрель, якшанба
Изоҳ (0)