Тошкент вилоятининг Чиноз туманида 14 апрель куни чет эллик ҳайдовчи 44 яшар ўзбекистонликнинг ўлимига сабабчи бўлди. Бу ҳақда ИИВ жамоатчилик ва ОАВ билан алоқалар бошқармаси хабар берди.
Шу куни соат 12:30 атрофида Туркия фуқароси, жорий йил 8 апрель куни Бухоро вилояти чегара маскани орқали Ўзбекистонга кириб келган Tanju Logistik фирмаси ҳайдовчиси О. Оздемир ўзига бириктирилган Volvo юк автомобилини «Тошкент—Термиз» йўлининг 853-километрида ҳайдаб кетаётиб, йўл четида машинаси олдида турган, 1974 йилда туғилган С.Юсуповни уриб юборди.
Ҳодиса оқибатида С.Юсупов жароҳат олиб, воқеа жойида ҳаётдан кўз юмди. Суриштирув ишлари олиб борилмоқда.
Изоҳ (0)