Поп туманида намунавий жамоатчилик назорат маскани ишга тушди

Тумандаги 77 та маҳаллада 22 та жамоатчилик назорат масканлари мавжуд бўлиб, уларнинг барчаси янги биноларга алмаштирилмоқда. «Поп» маҳалласида туман ички ишлар бўлими томонидан ўтказилган семинарда йиғилганлар янги масканнинг қулайлик жиҳатлари, жиҳозлаш ва хизмат олиб борувчилар учун яратилган шароит билан таништирилди.

Шу каби жамоатчилик назорат масканларини вилоятнинг барча маҳаллаларида ташкил этиш режалаштирилмоқда. Бу ўз навбатида ички ишлар органлари ва маҳалланинг узвий боғлиқлигини таъминлаб, ҳуқуқбузарлик ва жиноятларни олдини олишга хизмат қилади.

2018 йилнинг шу вақтига қадар «Поп» маҳалласида умуман жиноят содир этилмади. Намунавий тарзда қуриб битказилган жамоатчилик назорат маскани эса ҳудуд осойишталигини таъминлашда муҳим аҳамият касб этиши кутилмоқда.