Тошкентда маст эркакнинг пули, телефони ва пойабзалини олиб кетган ўғри ушланди

Тошкент шаҳрининг Мирзо Улуғбек туманидаги ТТЗ даҳасида 14 апрель куни ўғирлик ҳолати қайд этилди. Бу ҳақда ИИВ жамоатчилик ва ОАВ билан алоқалар бошқармаси хабар берди.

Шу куни соат 11:30 атрофида номаълум шахс ТТЗ 2-даҳа, 14-уй олдида маст ҳолда ётган, 1988 йилда туғилган I.А.нинг чўнтагидан пуллари, МDC Prime Lite мобил телефони, бўйнидаги занжири ва оёғидаги пойабзалини ечиб, ўғирлаб кетади.

Кўрилган чоралар натижасида ушбу жиноятни ТТЗ 2-даҳа 13-уйда яшовчи, 1989 йилда туғилган Р.Ҳ содир этганлиги аниқланиб, ушланди. Ҳозирда суриштирув ишлари олиб борилмоқда.