Афғонистон шимоли-ғарбида Туркманистон билан чегарадош Жузжон вилоятида ИШИД террорчилик гуруҳининг ўн нафар жангариси йўқ қилинди. Бу ҳақда 4 апрель куни «Шахин» афғон миллий армияси 209-корпуси штаби маълум қилди, деб ёзади «Интерфакс».
«Дарзаб уездининг Қизил-Қишлоқ, Дарё-Хона ва Писта-Бозор қишлоқлари ҳудудида МD530 вертолёти томонидан амалга оширилган ҳаво ҳужумлари оқибатида ИШИДнинг ўн нафар террорчиси йўқ қилинди, яна беш нафар террорчи жароҳат олди», — дейилади хабарда.
Куни кеча Дарзаб уезди расмийлари бир нечта йўналишда ИШИД жангариларига штурм бошланганлиги ҳақида маҳаллий ОАВларига хабар қилган эди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.