Стратегик ва минтақалараро тадқиқотлар институти Россия Фанлар академияси Шарқшунослик институти билан англашув меморандуми имзолади

2 апрель куни Ўзбекистон Президенти ҳузуридаги стратегик ва минтақалараро тадқиқотлар институти экспертлари Россия Фанлар академияси Шарқшунослик институти директори Валерий Андросов билан учрашди. Бу ҳақда «Дарё»га институт матбуот хизмати маълум қилди.

Учрашувдан кўзланган мақсад Россиянинг Марказий Осиё мавзуси билан шуғулланувчи экспертлар ва тадқиқотчилар жамоати билан алоқаларни мустаҳкамлаш ва кенгайтириш, шунингдек, Россия – Ўзбекистон муносабатлари истиқболларини аниқлаш бўлди.

Суҳбат чоғида икки томонлама муносабатларнинг ҳозирги аҳволи муҳокама қилинди.

Томонлар Ўзбекистон ва Россиянинг савдо-иқтисодий, сиёсий, маданий-гуманитар ва бошқа соҳалардаги алоқалари динамикаси ижобий баҳоланди.

Суҳбат якунлари кўра икки ташкилот ўртасидаги англашув меморандуми имзоланди. Ҳужжатга биноан, уларнинг доимий ҳамкорлиги мустаҳкамлаб қўйилди. Бу ҳамкорлик доирасида турли тадбирлар, конференциялар, давра суҳбатлари ўтказилади, шунингдек, қўшма тадқиқотлар олиб борилади.