LG Electronics компанияси Ўзбекистонда LG Q8 смартфонини сота бошлади. LG Q8 ўтган йилнинг май ойида сотувга чиққан LG V20 моделига қараганда анча қулай ва оддий кўринишга эга, деб хабар берди «MobInfo.uz».
LG Q8 смартфони металл корпус ҳамда чанг ва сувдан ҳимоя қилувчи IP67 стандарти билан жиҳозланган. Смартфон бир метр чуқурликдаги сувда ярим соатга қадар туриб бера олади. Шунингдек, унга 5,2 дюймли IPS-дисплейи, 16+8 мегапикселли иккиталик асосий камера ва 5 мегапикселли фронтал камера ўрнатилган.
Қурилма асосини Qualcomm Snapdragon 820 процессори ташкил этади. Тезкор хотираси 4 гигабайтга, ички хотираси эса 32 гигабайтга тенг. Бундан ташқари 2 терабайтгача microSD флеш-хотирасини кўтара олади. Аккумулятор сиғими 3000 мА/соатни ташкил этади. Операцион тизими Android 7.0 Nougat.
Пойтахт савдо расталарида LG Q8 смартфони 2 миллион сўмдан сотилмоқда.
Номи келтирилган қурилмани кўрсатилган нархда сотиб олишга «Дарё» нашри кафолат бермайди. Қурилмалар ва уларнинг нархлари ҳақидаги ахборот фақат танишиш учун тақдим этилган.
Изоҳ (0)