Xiaomi Mi MIX 2S: Смартфоннинг расмий суратлари пайдо бўлди

Xiaomi компанияси хитойлик рэпер, актёр ва модель Крис Ву қўлида ушлаб тургани тасвирланган ўзининг навбатдаги смартфони суратларини тақдим этди, деб хабар берди Hi-Tech.Mail.Ru.

Бундан ташқари компания Mi MIX 2S’нинг 27 март куни Шанхайда бўлиб ўтадиган тақдимотига махсус таклифномаларни ҳам тарқатди. Шунингдек, смартфоннинг Помпиду марказидаги намойишига ўн нафар омадли Парижга авиачиптага эга бўлади.

Суратлардан кўриш мумкинки, Mi MIX 2S’нинг ташқи кўриниши ўзидан олдинги моделларникидан кескин фарқ қилмайди. Шу билан бирга Крис Ву барча суратларда смартфоннинг пастки қисмини қўли билан ёпишга уринган, шу сабаб селфи камераси қаерда жойлашиши ҳозирча номаълум.

Mi MIX 2S’нинг ўзига хос жиҳати — Snapdragon 845 процессори ва сунъий интеллектрга эга иккиталик асосий камераси. Тахминларга кўра, сенсорларидан бири Sony IMX263 бўлиши мумкин.

Шунингдек, унинг тезкор хотираси 8 гигабайтга, ички хотираси эса 256 гигабайтга тенг бўлади. Mi MIX 2S’да симсиз қувватланиш функцияси ҳам мавжуд. Аккумулятор сиғигими 3400 мА/соат.