Хитойдаги Hunan Science and Technology Press ноширлик уйи британиялик машҳур физик олим Стивен Хокингнинг китобини 1 миллион нусхада чоп этишга буюртма олди. Бу ҳақда «РИА Новости» хабар бермоқда.
Хокинг асарларининг Хитойдаги ягона чоп этувчиси бўлган ноширлик уйи вакилига кўра, олимнинг ўлими китобларига бўлган қизиқишни яна ошириб, буюртмалар сони кескин кўпайишига олиб келди. Унинг кўплаб китоблари мамлакат интернет-дўконларида сотиб бўлинган, шу сабабли харидорлар фақат буюртма бериши мумкин.
Ноширлик уйи Хокингнинг «Вақтнинг қисқача тарихи» китобини илк бор 1992 йилда эълон қилганди. Кейинги 26 йил давомида олимнинг яна 10 дан ортиқ китоби чоп этилди.
Маълумот учун, Хокинг уч маротаба Хитойга ташриф буюрган, мамлакат раҳбарлари билан учрашган, ҳатто Буюк Хитой деворида ҳам бўлганди.
Изоҳ (0)