Кеча — 1 март куни футбол бўйича Ўзбекистон Суперлигаси беллашувлари расман старт олди.
Чемпионатнинг биринчи ўйинида мамлакатнинг амалдаги чемпиони «Локомотив» Навоийда «Қизилқум» устидан йирик ғалабага эришди — 3:0. Ўтган мавсум тўпурари Марат Бикмаев мавсумнинг илк голига муаллифлик қилди.
«Championat.asia» нашри маълумотига кўра, «Локомотив» кетма-кет 9 та ўйиндан буён «Қизилқум»ни таслим қилади. Шуларнинг сўнгги 7 тасида Навоий клуби «темирйўлчилар» дарвозасига йўл топа олмаган. Охирги 6 та ўйинда эса Марат Бикмаев рақиб дарвозасига гол урган.
Куннинг иккинчи ўйини Фарғонада ўтиб, «Нефтчи» Қаршининг «Насаф» клубини қабул қилди. Мазкур беллашувни МОҚ президенти Умид Аҳмаджонов очиб берди.МОҚ президенти Умид Аҳмаджонов Суперлига ўйинини кўриш учун Фарғонага, спорт вазири Исроилов эса Навоийга борди
Вице-чемпионга қарши саф тортган «Нефтчи» футболчилари 0:0 ҳисобида дуранг ўйнашга эришди. Учрашувдан кейин фарғоналиклар устози Сергей Ковшов дурангдан хурсанд эканини, «Насаф» бош мураббийи Рўзиқул Бердиев эса натижадан кўнгли тўлмаганини қайд этиб ўтди.
Ўзбекистон Суперлигаси 1-тур беллашувлари 1 март, пайшанба
«Қизилқум» — «Локомотив» 0:3
Голлар: Марат Бикмаев, 33 (0:1). Икром Алибоев, 57 (0:2). Сардор Мирзаев, 90 (0:3).«Нефтчи» — «Насаф»
2 март, жума«Пахтакор» — «Сўғдиёна» 20:003 март, шанба«Бухоро» — «Қўқон-1912» 18:00«Бунёдкор» — АГМК 20:00
4 март, якшанба«Металлург» — «Навбаҳор» 15:30
Изоҳ (0)