Футбол бўйича Ўзбекистон Суперлигасининг очилиш учрашувларини кўриш учун МОҚ президенти Умид Аҳмаджонов ҳамда спорт вазири Шоакрам Исроилов стадионларга борди. Бу ҳақда ЎФА матбуот хизмати хабар тарқатди.
Бир вақтнинг ўзида ЎФА биринчи вице-президенти ҳам ҳисобланган Умид Аҳмаджонов «Нефтчи» ҳамда «Насаф» жамоалари ўртасидаги беллашувни томоша қилиш учун Фарғонага етиб келган. Аҳмаджонов бунгача ҳам водийда меҳмон бўлиб, Фарғона футболидаги ҳолат билан танишганди.
Бугун — баҳорнинг илк кунида Ўзбекистон Суперлигаси старт олади ва «Насаф» Фарғонада, «Локомотив» Навоийда саф тортади
Яқиндагина спорт вазири этиб тайинланган Шоакрам Исроилов эса «Қизилқум» ҳамда «Локомотив» жамоалари иштирокидаги ўйинларни томоша қилиш учун Навоийга борган.
Бунгача Умид Аҳмаджонов Чемпионлар Лигасининг плей-оффидан ўрин олган «Ал-Гарафа» ҳамда «Пахтакор» жамоалари иштирокидаги ўйинни томоша қилиш учун Қатарга борган ва йўл-йўлака Қатар олимпия қўмитаси президенти билан учрашиб қайтганди.
Изоҳ (0)