Futbol bo‘yicha O‘zbekiston Superligasining ochilish uchrashuvlarini ko‘rish uchun MOQ prezidenti Umid Ahmadjonov hamda sport vaziri Shoakram Isroilov stadionlarga bordi. Bu haqda O‘FA matbuot xizmati xabar tarqatdi.
Bir vaqtning o‘zida O‘FA birinchi vitse-prezidenti ham hisoblangan Umid Ahmadjonov “Neftchi” hamda “Nasaf” jamoalari o‘rtasidagi bellashuvni tomosha qilish uchun Farg‘onaga yetib kelgan. Ahmadjonov bungacha ham vodiyda mehmon bo‘lib, Farg‘ona futbolidagi holat bilan tanishgandi.
Bugun — bahorning ilk kunida O‘zbekiston Superligasi start oladi va “Nasaf” Farg‘onada, “Lokomotiv” Navoiyda saf tortadi
Yaqindagina sport vaziri etib tayinlangan Shoakram Isroilov esa “Qizilqum” hamda “Lokomotiv” jamoalari ishtirokidagi o‘yinlarni tomosha qilish uchun Navoiyga borgan.
Bungacha Umid Ahmadjonov Chempionlar Ligasining pley-offidan o‘rin olgan “Al-Garafa” hamda “Paxtakor” jamoalari ishtirokidagi o‘yinni tomosha qilish uchun Qatarga borgan va yo‘l-yo‘laka Qatar olimpiya qo‘mitasi prezidenti bilan uchrashib qaytgandi.
Izoh (0)