Доғистон ИИВ ички хавфсизлик хизмати ходимлари жиноий қидирув бошқармаси бўлим бошлиғи Хайбулла Ибнухажаровни қўлга олди. Бу ҳақда «РБК» хабар бермоқда.
«Полковник молиявий қаллобликларда гумон қилинмоқда. Ҳозирда унга нисбатан жиноий иш қўзғаш масаласи кўриб чиқилмоқда», — деди агентликнинг маҳаллий полициядаги манбаси.
Республиканинг барча куч тизимларида текширувлар бошлангани билдирилмоқда.
Эслатиб ўтамиз, олдинроқ Доғистон бош вазири Абдусамад Гамидов, унинг ўринбосарлари Шомил Исаев ва Раюдин Юсуфов, собиқ таълим вазири Шоҳаббос Шохов бюджет маблағларини ўмаришда гумон қилиниб, ҳибсга олинганди.
Изоҳ (0)