Пхеньян АҚШ томонидан КХДРга нисбатан ҳар қандай қамални уруш эълон қилиниши сифатида қабул қилади. Бу ҳақда Шимолий Корея ТИВ вакили маълум қилди, дея хабар беради «РИА Новости».
АҚШ 23 февраль, жума куни Шимолий Кореяга қарши янги санкциялар жорий этилишини эълон қилди. Улар КХДР, Хитой, Сингапур ва Тайванга тегишли 27 кемачилик ва транспорт компанияси, 28 кема ва бир жисмоний шахсга тааллуқли.
АҚШ маъмурияти вакилига кўра, «ушбу санкциялар пакети Шимолий Кореяга қачондир татбиқ этилганлари ичида энг салмоқлиси».
«Бизга қарши ҳар қандай қамал уруш эълон қилиниши сифатида баҳоланади. АҚШнинг мантиқсиз ҳаракатлари Корея ярим оролини яна уруш ёқасига келтирса, бу Қўшма Штатлар виждонига ҳавола бўлади», — огоҳлантирди КХДР ТИВ вакили.
Изоҳ (0)