Аргентина соҳил қўриқлаш хизмати мамлакатнинг денгиздаги иқтисодий ҳудудига ноқонуний кириб келган Хитойга тегишли балиқ овлаш кемасини ўққа тутди, сўнг уни саккиз соат давомида таъқиб қилди, деб хабар беради «РИА Новости».
Аргентина денгиз префектурасининг маълумот беришича 22 февраль куни юз берган ҳодиса оқибатида жароҳатланганлар ва ҳалок бўлганлар йўқ.
Хитойнинг Буэнос-Айресдаги элчихонаси ҳодиса юзасидан ҳеч қандай маълумот бермаган.
Ўт очиш ҳақидаги қарор Хитойга тегишли яна тўртта кема Аргентина соҳил қўриқлаш хизматига ҳужум қилишга уринганидан сўнг қабул қилинган.
Отишма бошланишидан аввал Аргентина кемаси офицери Хитой кемасига огоҳлантириш берган.
Бироқ, қоидабузар кема саккиз соат давом этган таъқибдан қочишга уринган.
Кемани таъқиб қилиш Аргентина ташқи ишлар вазирлигининг махсус кўрсатмасидан кейин тўхтатилган. Шундан сўнг балиқ овлаш кемаси кўздан ғойиб бўлган.
Изоҳ (0)