Bloomberg дунёдаги иқтисодиёти энг ёмон бўлган мамлакатлар рейтингини тақдим этди. Мазкур рўйхатга яна бир бор Венесуэла етакчилик қилмоқда. Инфляция ва ишсизлик асосида тузиладиган рўйхатдан жорий йилда 66 мамлакат ўрин олди, деб хабар берди «РБК».
Венесуэланинг «оқсоқ»лик индекси 1872 та пункт асосида тузилган бўлиб, мамлакат тўртинчи бор кетма-кет иқтисодиёти энг ёмон мамлакатга айланди. 2018 йилнинг башоратларига кўра, Венесуэланинг аҳволи ҳозиргидан камида 3 мартага ёмонлашади.
Рейтингдан кейинги ўринларни Жанубий Африка (1833,1 пункт), Аргентина (1827,1), Миср (1826,4), Греция ва Туркия (1820,6), Украина (1817,8), Испания (1817,3), Бразилия (1815,8) ва Саудия Арабистони (1815,4) эгаллади.
Натижалар умуман олганда ижобий бўлиб қолаётган глобал иқтисодиётнинг истиқболларини акс эттиради: 2018 йилда жаҳон иқтисодиётининг 3,7 фоизга ўсиши кутилмоқда.
Изоҳ (0)