Нью-Йоркда полиция қўлбола портловчи қурилмаларни ясашда айбланаётган ака-укани қўлга олди, деб ёзади «РБК» The New York Times’га таяниб.
28 ёшли ака-ука Кристиан ва Тайлер Торолардан бири ўрта мактабда ўқитувчи бўлиб ишлаган ва 31 январь куни вояга етмаган шахсни зўрлаш айблови билан қўлга олинган. Уйини тинтув қилиш чоғида бомба ва портловчи қурилмалар тайёрлаш учун мўлжалланган материаллар топилган.
CBS News талқинига кўра эса, текширув январда бошланган. Кристиан Торо мактабдаги ишидан бўшаш ҳақида ариза ёзган ва иш ноутбукини маъмуриятга топширган. Қурилмадан эса портловчи воситаларни тайёрлаш усуллари ҳақидаги электрон китоб топилган.
Изоҳ (0)