13 февраль куни Ўзбекистон бош прокурорининг биринчи ўринбосари Муроджон Азимов Давлат божхона қўмитаси раиси этиб тайинланди. У бу лавозимда ўз вақтида Президент хавфсизлик хизматига бошчилик қилган, собиқ МХХ мулозими Муиджон Тоҳирий ўрнини эгаллади. Муроджон Азимов сўнгги бир йилда мартабали лавозимни эгаллаган биринчи собиқ прокурор эмас.
31 январь куни 3 йилдан бери Ўзбекистон бош прокурори бўлиб ишлаб келаётган Ихтиёр Абдуллаев Миллий хавфсизлик хизмати раиси этиб тайинланди. У мазкур лавозимда хизматнинг 23 йиллик раҳбари — Рустам Иноятовни алмаштирди.
2017 йил 4 сентябрда Хоразм вилоятига ҳокимлик қилиб келаётган Пўлат Бобожонов Ички ишлар вазири лавозимига тайинланди. Бобожонов вилоят ҳокими бўлишдан олдин Жиззах ва Бухоро вилоятлари прокурори лавозимида ишлаган.
Шунингдек, 2017 йил давомида Президентнинг Тошкент шаҳри, Қорақалпоғистон Республикаси ва Наманган вилоятидаги Халқ қабулхоналарига собиқ прокурорлар раҳбар этиб тайинлангани хабар қилинганди. Бир нечта туманларга ҳам собиқ прокурорлар ҳоким бўлди. Бунга мисол тариқасида Тошкент вилоятидаги Янгийўл ва Чиноз туманларини келтириш мумкин.
Изоҳ (0)