Вазирлар Маҳкамаси томонидан қонунчилик ташаббуси билан ҳуқуқий асосида қуйи палатага киритилган «Ўзбекистон Республикасининг Маъмурий жавобгарлик тўғрисида»ги кодексига ўзгартиш ва қўшимчалар кириш тўғрисида»ги қонуни лойиҳаси Олий Мажлис Қонунчилик палатасининг Саноат, қурилиш ва савдо масалалари қўмитасида ишчи гуруҳи томонидан мазкур ҳужжат биринчи ўқишга тайёрланмоқда. Бу ҳақда «Ўзстандарт» агентлиги матбуот хизмати хабар бермоқда.
Жорий йилнинг 7 февраль куни киритилган қонун лойиҳаси ишчи гуруҳ томонидан Олий Мажлиси Қонунчилик палатасида кўриб чиқилиб, ҳар томонлама муҳокама қилинди.
Қонун лойиҳасида Ўзбекистон Республикасининг Маъмурий жавобгарлик тўғрисидаги кодексининг бир қатор моддаларига қўшимчалар киритиш таклиф этилмоқда. Хусусан, техник регламентлар талабларини, шунингдек, маҳсулотлар ва хизматларни сертификатлаштириш органлари ва аккредитация қилинган синов лабораториялари (марказлар) томонидан сертификатлаштириш қоидалари бузилганлиги учун жавобгарлик белгиланмоқда.
Қайд этилишича, амалдаги қонунчиликда фақатгина тайёрловчиларга (тадбиркорларга) маҳсулотни мажбурий сертификатлаштириш қоидаларини бузганлиги учун маъмурий жавобгарлик белгиланган. Ушбу қоидалар сертификатлаштириш органлари ва аккредитация қилинган синов лабораториялари (марказлар) томонидан бузилган ҳолларда эса маъмурий жавобгарлик тўғрисидаги кодексда уларни маъмурий жавобгарликка тортиш назарда тутилмаган.
«Ўтган йил давомида мувофиқликни баҳолаш ва техник жиҳатдан тартибда солиш соҳасида талабларни бузганлик учун 48 та сертификатлаштириш органлари ва 75 та синов лабораторияларининг аккредитация тўғрисидаги гувоҳномаларининг амал қилиши тўхтатиб турилди, 19 та сертификатлаштириш органлари ва 6 та синов лабораторияларининг аккредитация тўғрисидаги гувоҳномалари амал қилиши тугатилди. Ушбу маълумотлар сертификатлаштириш органлари ва синов лабораториялари томонидан ўрнатилган тартиб бузилаётганлиги ва ушбу ҳуқуқбузарлик учун жавобгарлик масалаларини киритиш лозимлигидан далолат беради», — дейилади хабарда.
Изоҳ (0)