Қорақалпоғистонда ўт ўчирувчилар учун ғайриоддий велосипед ишлаб чиқилди (фото)

Устюрт газ-кимё мажмуасининг Ҳарбийлаштирилган ёнғин хавфсизлиги отряди мутахассислари ёнғиннинг олдини олиш бўйича тадбирларни такомиллаштириш мақсадида объектларни кузатиб боришга ихтисослаштирилган махсус велосипедни ишлаб чиқди. Бу ҳақда, Қорақалпоғистон ахборот агентлигига таяниб, ЎзА хабар берди.

Бу ёнғинни бирламчи бартараф қилиш асбоб-ускуналари билан таъминланган, такомиллаштирилган велосипед бўлиб, у диаметри 66 миллиметрлик бир дона ёнғин ўчириш енги (ҚД-70 билан), диаметри 66х77 миллиметрлик бир дона улагич («переходник»), икки дона ОП-5 маркали ёнғин ўчиргич, бир дона 100 метрлик қутқариш арқони, бир дона овоз кучайтгич ускунаси, бир дона енгил лом, бир дона енгил багор, бир дона ёнғин ўчириш болғаси, бир дона фонарча («мигалка», бир жуфт кичик фонар), бир дона тиббиёт қутичаси, бир дона 4х4 метрли кигиз, бир дона гидрант очиш калитидан иборат.

Хабар беришларича, велосипед синовдан ўтказилиб, фойдаланишга қўйилган.