Ўзбекистон Бадиий академияси Икуо Хираяма халқаро маданият карвон саройида график рассом Ҳусан Содиқовнинг «Сатира ва ифода» номли иллюстрациялар кўргазмаси очилди, деб хабар берди ЎзА.
Кўргазмада рассомнинг ҳажвий ҳикоя ва латифаларга ишланган 44 га яқин иллиюстрациялар ҳамда 100 дан ортиқ шаржлари (ҳазил сурат) намойишга қўйилган.
Суратларда асрлар оша латифа ва ҳангомаларда яшаб келаётган Насриддин афанди, Алдар кўса каби ўзбек, турк, эрон, озарбайжон ва қозоқ халқларининг қаҳрамонлари тасвирланган.
Ўзбекистон Бадиий ижодкорлар уюшмаси аъзоси Ҳусан Содиқовнинг ижодий ишлари нафақат Ўзбекистонда, балки, чет элларда ҳам, жумладан, Жанубий Корея, Португалия, Кипр, Туркия, АҚШ, Хитой, Испания, Гонгконг, Япония, Россия каби давлатларда шахсий коллекцияларда сақланиб келмоқда.
Кўргазма 23 февралгача давом этади.
Изоҳ (0)