Android операцион тизимида ишлайдиган қурилмаларга хавф туғдирувчи янги ботнет кенг тарқалди

Мутахассислар Android операцион тизимида ишлайдиган қурилмаларга ҳужум қилувчи янги ботнетни аниқлади, деб хабар берди Bleeping Computer.

Ботнет очиқ портларни, жумладан, Android тизимининг асосий қисмларидан ҳисобланувчи ва муҳим фуксияларга калит вазифасини ўтовчи 5555 портини қидиришга қаратилган. Қурилмага кириб олган зарарли дастур уни Monero криптовалютасини топишга мажбур қилади.

QiHo 360 ташкилоти тадқиқотчиларининг сўзларига кўра, аниқланган ботнет Android’да ишлайдиган барча қурилмаларга хавф туғдиради — смартфонлардан тортиб ақлли техникаларга қадар.

Ҳозирга қадар 7,4 мингга яқин қурилмага зарар етган бўлиб, ботнет ҳайратланарли даражада ўсишни давом этмоқда. Zaraрлангаларнинг аксарияти Хитой (40 фоизга яқини) ва Жанубий Кореяда (30 фоиз).

ADB.miner номини олган зарарли дастур 2016 йилда пайдо бўлган ва дунёдаги энг катта ҳисобланган Mirai ботнетида ишлатилган кодларнинг қисмларидан фойдаланади. Ўшанда Mirai бутун дунёдаги минглаб қурилмаларга зарар етказган ва йирик сайтларни ишдан чиқарган эди.