LG G5 модели муваффақиятсизликка учрагач, Жанубий кореялик ихтирочилар ўз айбини тўғирлаб, G6 моделини тақдим этган эди. Деярли ҳошиясиз экран ва ажойиб камераси сабабли мазкур моделга кўплаб журналистлар томонидан ижобий баҳо берилганди, деб хабар берди Hi-Tech.Mail.Ru.
Интернет тармоғида тарқалган маълумотларга кўра, компаниянинг янги смартфони ўзидан олдингиларга нисбатан анча ҳошиясиз бўлади. Қора чизиқ қурилманинг фронтал камера жойлашган қисмидагина қолади. Шу билан бирга томонлар нисбати — 18:9 сақланиб қолинади. Шунингдек, смартфоннинг орқа томонидан бармоқ изи сканери ва иккита камера ўрин олиши маълум.
Таъкидланишича, G7 саккиз ядроли Qualcomm Snapdragon 845 процессори ва 6 гигабайт тезкор хотира билан жиҳозланади. Бундан ташқари қурилма Quick Charge 4.0 тезкор қувватлантириш технологиясига ҳам эга бўлади.
Ҳозирда G7’нинг тақдим этилиш санаси номаълум. Таҳлилчилар аввалига ушбу модель февраль ойида бўлиб ўтадиган Mobile World Congress 2018 кўргазмасидан намойиш этилишини тахмин қилганди, бироқ LG раҳбарияти айрим сабаблари кўра, муддатни ўзгартиришга мажбур бўлди.
Изоҳ (0)