Samsung компания Ўзбекистонда янги Galaxy А8 (2018) моделини сота бошлади. Smartфон ҳошиясиз 5,6 дюймли дисплей ва селфи учун иккита камера билан жиҳозланган, деб хабар берди «Mobinfo.uz».
Smartфоннинг орқа томонида битта 16 мегапикселли камера жойлашган.
Янги қурилманинг асосини 8 ядроли Exynos 7885 процессори ташкил этади. Galaxy А8 (2018) нинг тезкор хотираси 4 гигабайтни, ички хотираси эса 32 ва 64 гигабайтни ташкил этади. Шунингдек, унга 256 гигабайтгача бўлган флеш-хотирани ҳам жойлаштириш мумкин. Қурилма Android 7.1.1 Nougat операцион тизимида ишлайди.
Модельда «Доимо ёниқ экран» функцияси мавжуд бўлиб, бу шунчаки экранга қараган ҳолда уни блокдан чиқармасдан туриб маълумотлардан тезкор равишда хабардор бўлиш имконини беради.
Galaxy А8’нинг аккумулятор сиғими 3000 мА/соатга тенг. Шунингдек, унга сув ҳамда чангдан ҳимоя қилувчи IP68 стандарти ўрнатилган.
Тошкентдаги савдо марказларида Samsung Galaxy А8 (2018) қурилмасининг 4 гигабайт тезкор хотира ва 32 гигабайт ички хотирага эга модели 3 977 000 сўмдан сотилмоқда.
Номи келтирилган қурилмани кўрсатилган нархда сотиб олишга «Дарё» нашри кафолат бермайди. Қурилмалар ва уларнинг нархлари ҳақидаги ахборот фақат танишиш учун тақдим этилган.
Изоҳ (0)