Тарқалган янги маълумотларга кўра, Samsung биринчи марта шу йилнинг ўзида бир йўла учта флагманни бозорга чиқариши мумкин, деб ёзади Hi-Tech Mail.Ru. Айнан учинчиси чинакамига инновацион бўлади. Бунда гап CES 2018 конференциясида махфий тарзда намойиш этилган Galaxy Х буклама смартфони ҳақида бормоқда.
Samsung чораклик натижаларини эълон қилар экан, Galaxy Х ҳақида ҳам баъзи маълумотларни ошкор қилди. Компания тезкор ва доимий хотира чиплари рекорд даражада сотилганини, шунингдек, бу йил буклама қурилма чиқариш нияти борлиги ҳақида маълум қилди.
«Мобил қурилмаларга келсак, Samsung буклама OLED-дисплейлар сингари илғор технологиялар ҳисобига таклиф этилаётган смартфонлар линейкасини кенгайтириш бўйича ўз ҳаракатларини давом эттиради», — дейилади ҳисоботда.
«Буклама OLED-дисплей» деганда ўртасидан букила оладиган экранлар назарда тутилмоқда.
Изоҳ (0)