Россия Марказий сайлов комиссияси Владимир Путинни 6 февраль куни бўлиб ўтадиган мажлисда президентликка номзод сифатида рўйхатдан ўтказади. Бу ҳақда комиссия раисининг ўринбосари маълум қилди, деб хабар беради «Интерфакс».
Шунингдек, МСК президентликка номзод сифатида тўплаган 1,07 фоиз имзолари ҳақиқий эмас дея топилгани учун бўлиб ўтган текширувлардан сўнг, Григорий Явлинскийни ҳам рўйхатдан ўтказади.
Марказий сайлов комиссияси раисининг ўринбосари Николай Булаевнинг айтишича, Борис Титов ва Сергей Бабурин ҳам рўйхатга олинади. Титов тўплаган имзоларда 4,35 фоиз, Бабуринникида эса 3,28 фоиз нуқсон топилган.
Булаевнинг таъкидлашича, «номзодлар ўзларининг имзо варақаларини топширган хронологик тартибда чоршанба ва пайшанба кунлари рўйхатга олинади».
«Биз яна икки нафар номзоднинг имзо варақаларини текшириш бўйича ишларни якунламоқдамиз. Уларнинг сифати борасидаги масалалар эртага ишчи гуруҳ томонидан маълум қилинса, рўйхатга олиш борасида қарор пайшанба куни қабул қилинади», — дея аниқлик киритди Буляев.
Изоҳ (0)