Хитойлик аёл 81 ёшда олий маълумотга эга бўлди

81 ёшли хитойлик аёл Сюэ Миньсю 4 февраль куни Тянь Цзинь университетини тугатгани ҳақидаги дипломни қўлга киритди, деб хабар беради «Trend.az».

Аёл узоқ кутилган бу кунга етгунча тинимсиз меҳнат қилди.

«Мен ҳаёт мазмуни инсон ўз олдига янги мақсад ва режалар қўйиб, мукаммаллик сари интилишида, деб ҳисоблайман. Шунинг учун ҳам Тянь Цзинь университетига ёшлигимдаги орзуларимни амалга оширишига кўмак бергани учун миннатдорчилик билдираман», — дейди Сюэ Минсю диплом топшириш маросимида.

Сюэ Миньсю Тянь Цзинь университетининг «Электрон тижорат» курсига 2014 йилда масофавий ўқитиш дастури бўйича қабул қилинган эди. Ўшанда у 77 ёшда эди.

Аёл гуруҳдаги энг кекса талаба бўлибгина қолмай, у ўзининг тиришқоқлиги билан ҳам ажралиб турарди. У ҳар куни эрталаб соат бешда туриб, дарс қилиш учун компьютерни ёқарди.

Сюэ вақтини фақат ўқишга бағишлаш учун тўрт йил давомида бирон марта ҳам телевизорни ёқмаган. У якуний имтиҳонни еттинчи уринишдан сўнг топширишга муваффақ бўлган.

81 ёшли аёл бешта тилни (хитой, инглиз, француз, рус ва лотин) билади. У шунингдек, Excel ва Photoshop каби дастурлар билан ишлашни ҳам ўзлаштирган.

Сюэ ўқишдан бўш вақтида суратга олиш, конькида учиш ва сузиш билан шуғулланади.