Пхеньян исталган вақтда ядровий синовни амалга ошириш имкониятига эга. Бу ҳақда Корея мухолифат озодлиги партияси вакили Кан Сок Хонинг сўзларига асосланиб, Жанубий Корея Миллий разведка хизмати (МРХ) вакиллари маълум қилди, деб хабар берди «ТАСС».
«МРХ маълумотларига кўра, Пхенге-ри полигонидаги N3 туннели янги ядро синовини ўтказиш учун тўлиқ тайёр. Шу билан бирга, N4 туннелида қурилиш ишлаб олиб борилмоқда, N2 туннели эса ўтган йилнинг сентябридан буён ташландиқ бўлиб ётибди», — дейилади хабарда.
Кан Сок Хонинг айтишича, Йонбёндаги (КДХР) ядровий реактор икки йилдан буён нормал ҳолатда ишламоқда.
Пхеньян ҳозирга қадар ядровий ракеталарни олти маротаба синовдан ўтказди: 2006, 2009, 2013, 2017 йиллардан биттадан, 2016 йилда — иккита.
Изоҳ (0)