Хитойнинг Шуанъяшань шаҳрида ўткинчилар шамолда учиб юрган пулларни йиғиб, эгасини топди ва унга пулларни қайтарди, деб ёзади South China Morning Post.
Одамлар кўчада жами миқдори 4,8 минг юан (762 доллар)га тенг 100 юанлик купюраларни тўплади. Ўткинчилардан бири шу атрофда жойлашган банк бўлимига ҳодиса ҳақида хабар берди. Унинг ташаббуси билан у ерда видеокузатув камералари қайдлари ўрганилди.
Видеода банк ташрифчиларидан бири кўчага қўлида 15 минг юань (тахминан 2400 доллар) билан чиқиб, пулларни чўнтакларига солаётган пайтда, ўзи пайқамаган ҳолда купюраларнинг бир қисмини ерга сочиб юборганини кўришди. Банк мижознинг шахсини аниқлаб, у билан боғланди. Ўткинчилар пулларнинг деярли ҳаммасини йиғиб қўйган, фақат 200 юангина кам бўлди. Эркак ташаббускорга ҳаллоллиги учун пул таклиф қилди, аммо у бундан бош тортди.
Изоҳ (0)