Эронлик аёллар 40 йил ичида биринчи марта ҳижобга қарши оммавий норозилик билдирди (фото)

Эронда мажбурий ҳижоб ўрашга қарши якка тарзда норозилик кўрсатишлар оммалашиб бормоқда. Аёллар кўчада бошидаги рўмолини намойишкорона ечиб, уни қўлида ёки чўп билан тутган ҳолда силкитади. Эронлик аёллар ҳуқуқларини ёқлаб ўтказилаётган ушбу акция 1978—79 йиллардаги Ислом инқилоби давридан буён энг оммавийси бўлди, деб ёзади BBC.

Ижтимоий тармоқларда фойдаланувчилар #WhiteWednesdays, #IranianProtests, #IranUprising, #FreeIran каби хештеглар остида акция иштирокчиларининг суратлари билан бўлишмоқда.

Акция 29 январь куни, мамлакат пойтахти Теҳронда бир нечта аёллар трансформатор будкаларига чиқиб олиб, рўмолларини силкитганидан кейин авж олиб кетди. Уларнинг суратлари ижтимоий тармоқларга жойланди ва уларнинг хатти-ҳаракатларидан илҳом олган эронлик хотин-қизлар шундай намойишларга чиқа бошлади.

Акция иштирокчилари орасида ҳодисага беэътибор бўлмаган эркаклар ҳам бор. Улар ҳам якка пикетларга чиқиб, қўллари билан рўмолларни силкитмоқда.

https://twitter.com/shirokhorshid_i/status/958728438440849408

https://twitter.com/vaniaput21/status/958739758481584128

https://twitter.com/TheCurrentCBC/status/958757220916846593

https://twitter.com/masihpooyan/status/958581178835066880

https://twitter.com/MsJulieLenarz/status/956441544080445440