АҚШ Ҳарбий-денгиз кучлари Қора денгиз узра EP-3 Aries разведкачи самолётининг «хавфсиз бўлмаган» ҳолда Россиянинг Су-27 қирувчиси томонидан тутиб қолиниши тавирланган видеони ўз сайтига жойлаштирди, деб хабар берди «Ведомости».
Нохуш ҳодиса 29 январь куни Россия чегараси яқинидаги халқаро ҳаво майдонида содир бўлган. АҚШ Ҳарбий-денгиз кучларининг хабарида таъкидланишича, Россияга тегишли қирувчи самолёт 1,5 метр яқинликдан учиб, «Америка самолётининг ҳаракат траекториясини кесиб ўтган». Тутиб қолиш вақти 2 соат-у 40 дақиқани ташкил этди.
Ҳарбий-денгиз кучлари вакилларининг аниқлик киритишича, «АҚШ самолёти халқаро қонунларга мувофиқ ҳаракатланган ва Россия томонидан бу каби фаолликнинг амалга оширилишини атайлаб провокация қилмаган».
«Россия ҳарбийлари халқаро ҳаво майдонида бу каби ҳаракатларни амалга ошириши мумкин (кузатувни бажариши), бироқ улар ўзларини хавфсизлик ва нохуш ҳодисаларнинг олдини олиш учун ўрнатилган халқаро стандартларда мос равишда тутишлари керак», — дейилади хабарда.
Россия Мудофаа вазирлигининг маълум қилишича, қирувчи самолётлар Америка разведкачилари мамлакат чегарасини кесиб ўтмаслиги учун уларга хавфсиз бўлган оралиқ масофада яқинлашган.
Изоҳ (0)