Техас штатининг Бомонт федерал қамоқхонаси маҳбуси муассаса ҳудудига егуликлар тўла пакетлар билан қайтишга уринганида қўлга олинди. Бу ҳақда округ шерифининг Facebook’даги саҳифасида маълум қилинди, деб хабар беради «РИА Новости».
Шундан сўнг мазкур ҳудудда кузатув видеокамераси ўрнатилди, пистирма қўйилди ва қочоқ қўлга олинди. У Далласда туғилиб-ўсган ва наркотиклар билан боғлиқ иш юзасидан жазосини ўтаётган 25 ёшли Жошуа Хансен бўлиб чиқди.
Ҳуқуқ-тартибот ходимлари эркакда бўлган спорт сумкасини тинтиб, 3 шиша бренди, бир шиша виски, бир неча қути сигарета, ҳафсала билан ўралган бутербродлар, кўплаб уй таомлари, жумладан, сосискалар ва қовурилган товуқ топди.
Хансен қўлга олинди ва қамоқхонага қайтарилди. Ҳодиса текшируви давом этмоқда.
Изоҳ (0)