Нигериянинг Риверс штати полицияси эркак кишининг жодугарликда гумонланиб, омма томонидан дўппосланиши ҳақидаги ишни текширишни бошлади, деб ёзади «РИА Новости».
Маҳаллий аҳоли эркакнинг ортидан доим қора эчки эргашиб юришига эътибор қаратган ва жонивор аввал «одам» бўлган, деган хулосага келган. Нигерияликлар тўпланишиб, «жодугар»га ташланган ва уни ҳолдан тойгунча дўппослаган.
Воқеа жойига етиб келган ҳуқуқ-тартибот органлари ходимлари беҳуш ҳолдаги эркакни, эчкини ва икки нафар ҳужум қилган шахсни полиция участкасига олиб кетди.
Ўзига келгач, эркак полициячиларга қора эчки у уйида сақлайдиган ҳайвон эканлигини айтди.
«Одамлар мени одамни эчкига айлантириб қўйган, деб ўйлашидан ҳайратга тушдим. Бу имконсиз нарса-ку?» — деди жабрланувчи.
Изоҳ (0)