А. Турсунхўжаев 2017 йил 19 октябрда тумандаги Ғишткўприк маҳалласида истиқомат қилувчи Руслан Мирзабоевнинг ҳовлисидан 600 минг сўмлик тамаки маҳсулотларини, 25 октябрь куни шу маҳалладаги Олим Тошматовнинг машинасидан 150 доллар ва 200 минг сўм, 8 ноябрь куни яна 500 минг сўм пулни ўмарди.
Ҳеч қаерда ишламайдиган, бирор мутахассислик бўйича ўқимай бемақсад юрган А. Турсунхўжаевга тунги сайрлар пайти Р. Мирзабоевнинг уйини яна бир бор кечаси зиёрат этишга аҳд қилди. 2017 йил 18 ноябрь куни кеч соат тахминан 01:00 атрофида жабрланувчининг уйига кирди. Лекин ҳовлида турган автомашина ойнасини синдираётган пайтда уй эгалари томонидан ушланиб, ички ишлар идораларига топширилди.
Аҳрорхўжа Турсунхўжаевга ЖКнинг тегишли моддалари билан жиноят иши қўзғатилди.
– А.Турсунхўжаевга нисбатан қонунда белгиланган тартибда жазо тайинланди, – деди Жиноят ишлари бўйича Зангиота тумани суди раиси Ўктам Холиқов. – Жабрланувчиларга етказилган зарар ҳам тўлиқ ундирилди. Лекин бу каби сайёр суд мажлисларини ўтказишдан мақсад айбдорга жазо қўллашни кўз-кўз этиш эмас, балки содир этган жиноятнинг келгусида қандай оқибатларга олиб келишини ёшлар ўртасида таҳлил қилиш ва зарур хулоса чиқаришдир.
Изоҳ (0)